Բացահայտիչը ցույց է տալիս լրացյալի ով կամ ինչ լինելը։ Բացահայտիչ ունեցող գերադաս անդամը կոչվում է բացահայտյալ։ Բացահայտյալի ու բացահայտչի միջև եղած արտասանական դադարը բավականին ակնհայտ է և գրավոր խոսքում արտահայտվում է կետադրական նշանով (սովորաբար՝ բութով)։
Բացահայտիչը լինում է երեք տեսակ՝ բուն բացահայտիչ, մասնական բացահայտիչ և մասնավորող-պարագայական բացահայտիչ։
- Աննան` իմ դասընկերուհին (բուն), հայտնի էր իր բացառիկ տաղանդով:
- Աննան` որպես դուստր (մասնական), շատ հոգատար է:
- Դպրոցում` երաժշտության սրահում (մասնավորող պարագայական), Աննան հիանալի ելույթ ունեցավ:
Բացահայտիչը բացահայտյալից տրոհվում է բութով, նախադասության մնացած մասից` ստորակետով:
Բացահայտչից հետո չի դրվում ստորակետ մի քանի դեպքում:
- Եթե բացահայտիչը դրված է սեռական հոլովով:
- Տիգրան Մեծի` հայոց արքայի զորքը երկար տարիներ անպարտ էր:
- Եթե բացահայտչին հաջորդում է կապ:
- Ճամփորդի` ալեհեր կնոջ առաջ բացել էին տան դռները:
- Եթե բացահայտչից հետո դրվում է եմ, ես, է … օժանդակ բայը կամ հանգույցը:
- Լուիզան` նրա աղջիկն էր ամեն ինչ կազմակերպում:
- Եթե բացահայտչից հետո ընկնում է էլ շաղկապը:
- Անին` դասընկերուհիս էլ որոշեց գալ մեզ հետ Արատես:
1.Ընդգծված որոշիչներն ըստ օրինակի դարձրո՛ւ բացահայտիչ: Կետադրությանն ուշադրությո՛ւն դարձրու:
Օրինակ` Սիրո աստվածուհի Աստղիկը լողանում էր Արածանիի ջրերում: Աստղիկը` սիրո աստվածուհին, լողանում էր Արածանիի ջրերում:
Հայաստանի ամենամեծ լիճ Սևանից սկիզբ է առնում միայն Հրազդանը:
Հայաստանի ամենամեծ լճից՝ Սևանից, սկիզբ է առնում միայն Հրազդանը:
Տղան մոտեցավ չարաճճի գեղեցկուհի արքայադստերը:
Տղան մոտեցավ չարաճճի գեղեցկուհուն՝ արքայադստերը:
Զորքր պաշարում է երկրի մայրաքաղաք Նինվեն ու սպասում նոր հրամանի:
Զորքր պաշարում է երկրի մայրաքաղաքը՝ Նինվեն ու սպասում նոր հրամանի:
Կինը հարևաններին բողոքում է իր ոչ ու փուչ մարդ Նազարից:
Կինը հարևաններին բողոքում է իր ոչ ու փուչ մարդուց՝ Նազարից:
Նազարի հետ կռվող Սաքոն էլ էր այդ հարսանիքում:
Նազարի հետ կռվողը՝ Սաքոն էլ էր այդ հարսանիքում:
Արյունոտվում էր զորավարի սիրտը իր հայրենիք Իտալիայի թշվառ վիճակից:
Արյունոտվում էր զորավարի սիրտը իր հայրենիքի՝ Իտալիայի թշվառ վիճակից:
Ծերունին հաճախ էր իր թոռնիկ Կարոյով հպարտանում:
Ծերունին հաճախ էր իր թոռնիկով՝ Կարոյով, հպարտանում:
2.Հարցական դերանունների փոխարեն համապատասխան բացահայտիչներ գրի՛ր:
Միքայելը` ո՞վ, երեկ մեր տանն էր:
Տանտիրուհուց` ումի՞ց, հեռագիր էր ստացել:
Տղան անհամբեր սպասում էր Սևուկի` ինչի՞ երևալուն:
Մայրը որդուց` ումի՞ց, արդեն երկար ժամանակ լուր չուներ:
Քուռկիկ Ջալալին արագ մոտեցավ տիրոջը` ո՞ւմ:
Հրազդանը` ի՞նչը, Երևանով է անցնում:
Միքայելը` ընկերս, երեկ մեր տանն էր:
Տանտիրուհուց` Կարինեից, հեռագիր էր ստացել:
Տղան անհամբեր սպասում էր Սևուկի` ձիու երևալուն:
Մայրը որդուց` Արամից, արդեն երկար ժամանակ լուր չուներ:
Քուռկիկ Ջալալին արագ մոտեցավ տիրոջը` Դավիթին:
Հրազդանը` գետը, Երևանով է անցնում:
3․Ինքդ բացահայտիչ ունեցող 4-5 նախադասություն կազմի՛ր։
Ընկերս՝ Արամը, ինձ հետ եկել էր քաղաքից դուրս։
Մեր ընտանեկան բժիշկը՝ Սարգիսը, բարդ վիրահատություն կատարեց։
Իմ փոքր եղբայրը՝ Դավիթը, կատարեց իր առաջին քայլերը։
Նարեկը՝ մեր փողոցի չարաճճին, կորել էր։
Իմ ուսուցիչը՝ ընկեր Բուշը, շատ լավ է բացատրում դասը։
4.Նախադասությունն ընդարձակիր` կետերի փոխարեն որպես ի՞նչ, իբրև ի՞նչ, որպես ո՞վ, իբրև ո՞վ հարցերին պատասխանող բացահայտիչներ գրելով:
Էլիասը՝ որպես ուղեկցորդ, ինձ բացատրում էր ճանապարհը:
Անտառը` որպես խորհրդավոր վայր, մռայլ ու գժկամ տեսք ուներ:
Թռչունի առաջին ճիչը` իբրև ազդակ, չափազանց զարմացրեց մեզ:
Իսկ այդ արձակ տարածության մեջ արձանն էր` որպես միակ բնակիչ:
Պահակը` որպես հավատարիմ ընկեր, որոշեց ինձ մենակ չթողնել:
Ներողամիտ հայացքով նրանց խուճապին ու իրարանցմանը հետևում էր հավաստին` որպես ականատես:
Հարցերին պատասխանող պարոնը` իբրև օրվա հերոս, անցավ հավաքվածների միջով ու մոտեցավ մեքենային:
5. Ըստ տրված կաղապարների՝ կազմի՛ր բարդ նախադասություններ:
Թեկուզ նա խստապահանջ էր, այնուամենայնիվ բարի սիրտ ուներ:
Թեպետ նա պատրաստ չէր դասին, սակայն պատասխանեց:
Չնայած որ անձրև եր գալիս, բայց երեխաները շարունակում էին խաղալ:
Թեև շատ հոգնած էին, բայց և այնպես հաղթահարեցին բարձունքը: